Aktivitetsparken på arenaen

På Vidflotten arena blir det mange spennende aktiviteter for alle aldre! Her finner du oversikt over aktiviteter og arrangement på arenaen under Landsskytterstevnet.

Se aktiviteter utenfor arenaen og ved Bøleira skyttercamp

Aktiviteter på arenaen

Prøv treskjering og smiing

Handverkstradisjonane står sterkt i Gudbrandsdalen – både treskjering og smiding. Under Landsskyttarstemnet 2026 kan unge og gamle prøve seg på treskjering, og dei kan bryne seg på stålet, om dei vil. Arbeidet med tre og jarn gir meistring, ro og kan hende inspirasjon til å prøve att seinare? Aktiviteten skjer i samarbeid med Hjerleid Handverksskole på Dovre.
Søndag 2. august – onsdag 5. august
Når på dagen: 11.00-16.00
Rein og bålpanne

Bli med inn i lavvoen til Norsk villreinsenter til hyggeleg treff og aktivitetar for store og småe. Visste du at reinen held til i Lesja-fjella? Jau, då. Den er tett ved oss! Kos deg framfor bålpanna, snakk med naturrettleiarar og andre villreininteresserte.
I lavvoen møter du naturrettleiarane Are Endal Rognes og Kristin Gansmo Brenna frå Norsk Villreinsenter.
Søndag 2. august – laurdag 8. august
Når på dagen: 11.00-16.00
Tekno-leik

Saman med Kongsberg Gruppen får du utforske, undre deg, prøve og feile – og skape eigen, framtidsretta teknologiske løysingar.
Velkommen inn i et univers av teknologi, kreativitet og læringsglede! I teknoparken kan du òg bli kjent med robothunden Sølve.
Onsdag 5. august – fredag 7. august
Når på dagen: 11.00-16.00
Lag din eige sopelime

Ein solv laga av bjørk er ein tradisjonell sopelime eller bjørkekost. Tradisjonelt vart kvistane bundne saman med vidjespenning (tvinna bjørkerot), men seinare vart det vanleg å bruke ståltråd. Aktiviteten skjer i samarbeid med Kåre Holshagen frå Otta.
Tysdag 4. august - torsdag 6. august
Når på dagen: 11.00-15.00/16.00
Trøtraktor og sandkasse

I tillegg til teknoleik, smiing og trearbeid kan du slappe av med teikning og ansiktsmåling, leik i sandkassa eller ein tur med trøtraktoren.
Fredag 31. juli – fredag 7. august
Jurklutkasting, stylter og holding av melkespann

Teikning, traktor og jurklutkasting
I tillegg til teknoleik, smiing og trearbeid byr Aktivitetsparken på meir tradisjonelle – men like kjekke – aktivitetar som teikning, leik i sandkassa, mjølkespannhalding, jurklutkasting, gå på stylter og spanande turar med trøtraktoren. Her kan barna utforske, skape og leike i sitt eige tempo.
Fredag 31. juli – fredag 7. august
Når på dagen: 11.00-16.00
Frisbee

Saman med ungdomsmiljøet Sændeplåtelaget lagar vi ein eigen frisbee-bane i nærleiken av hovudarenaen. Frisbee er raskt, sosialt og latterframkallande – perfekt for å riste laus skuldrene mellom skyteøktene. Her treng du korkje tungt utstyr eller lang planlegging: Grip ein disk og kast deg med. For travle skyttarar er det den ideelle kombinasjonen av presisjon, konkurranseinstinkt og rein speleglede – med meir smil enn alvor.
Kvar: Oppmøte og utdeling av plater i Aktivitetsparken
Fredag 31. juli – fredag 7. august
Når på dagen: 11.00-16.00
Laserskyting

Under Landsskyttarstemnet kan du teste treffsikkerheita di – heilt utan krutlukt og rekyl! Vi tilbyr laserskyting for store og små som vil kjenne på spenninga, finjustere sikta og utfordre konkurranseinstinktet i trygge og publikumsvenlege rammer.
Her er det konsentrasjon, puls og presisjon som gjeld – og kanskje ein intern familieduell eller to. Tilbodet skjer i samarbeid med Norges Skiskyttarforbund.
Sundag 2. august – laurdag 8. august
Når på dagen: 11.00-16.00
Hesteskokasting

Hesteskokasting er ein populær aktivitet på Lesja, i tidlegare tider og i dag. Kvar veke gjennom heile sommarsesongen blir det organisert hesteskokasting fleire stader i kommunen. Hesteskokastinga under Landsskyttarstemnet 2026 skjer i samarbeid med Svend Martin Nørstegård frå hesteskokastarmiljøet i kommunen.
Fredag 31. juli – fredag 7. august
Når på dagen: 11.00-16.00
Hengekøyer

Å leggje seg i ei hengekøye er ikkje det same som å leggje seg ned. Du overgir deg ikkje til bakken, men til mellomrommet. Du stolar på at noko anna held deg oppe. To tre. Nokre tau. Litt stoff. Meir skal ikkje til. Det er ei stille påminning om at du ikkje alltid treng stå støtt – for å ha det godt.
Velkommen til ei avslappande stund i Aktivitetsparken.
Fredag 31. juli – fredag 7. august
Når på dagen: 11.00-16.00
Fotoutstilling

Årets landsskyttarstemne er det femte i rekka. Såleis er det mykje å sjå tilbake på. Under årets stemne lagar vi uteutstilling med bilete frå tidlegare Lesja-stemne. Store foto er plassert på stativ nær/ved Aktivitetsområdet.
Utstillinga er eit tilbakeblikk på gamle heltar, men òg mote og kreative hårfrisyrar. Utstillinga er ein perfekt pauseaktivitet mellom skytinga.
Heile veka, 24/7

Aktivitetar på Bøleira skyttercamp

Bading

Nedanfor arenaen ligg Lågen – den viktigaste fiskeelva i regionen. Her er det mogleg å bade – om du likar ein kalddusj, då!
Kvar: Skyttarcampen, 24/7
Når på dagen: Når du vil!
Best med ball

Fotball og volleyball er perfekt når du treng ein pause frå stemnet – og vil ha det gøy saman med andre. Det er enkelt å hive seg med, uansett nivå. Her handlar det meir om lagkjensle og gode opplevingar enn resultat og poeng. Og plutseleg har du gløymt klokka, fordi spelegleda tek over!
Kvar: På Bøleira skyttarcamp
Når: Kvar dag, når du vil!
Badstue

Sliten og støl etter ein intens dag på skytebanen? Landsskytterstemnet har badstugu til leige. Du finn stugu ved Bøbrue, tett ved elva. Følg skilting. Det er mogleg å reservere inntil to timar av gongen. Slik gjer du: Ved ligg tett ved badsstugu. Du må fyre opp sjølv. Alle må bruke handkle. Sop golvet etter deg når du er ferdig. Steng døra. Takk!
Badstugu 1 /DNT
Pris: 200 kr medlem i DNT / 400 kr ikkje-medlem i DNT. Reservering her
Periode: 2. august – 8. august
Når på dagen: 06.00-22.00
Adresse: Bøbrue, Lesja
Badstugu 2 | Augardstugu
Pris: 400 kr
Reservering: 414 61 073 (Einar Utgaard)
Periode: 30. juli – 8. august
Når på dagen: 06.00-22.00
Adresse: Bøbrue, Lesja

Historisk vandring på Slådalen

Bli med på ei spennande vandring inn i historia på Slådalen. Med utgangspunkt i arkeologiske funn, eit over 1000 år gamalt fangstanlegg for villrein og forteljingar frå vikingtid og mellomalder, får du innblikk i kor viktig villreinen har vore for menneska og samfunnet gjennom tidene.

Oppmøte ved bommen på Vidflotten (ved inngang arena) og avreise med privatbilar kl. 10.30 måndag 3. august. Vi køyrer om lag 9 kilometer opp mot Slådalen og parkerer ved Fauttjønne. Derfrå går vi kl. 11.00 om lag 650 meter langs vegen til det gamle fangstanlegget.

På vandringa møter du naturrettleiarane Are Endal Rognes og Kristin Gansmo Brenna frå Norsk Villreinsenter. Dei tek oss med på ei reise gjennom meir enn tusen år med historie. Undervegs ser vi spor i terrenget etter dei imponerande fangstanlegga vikingane bygde, og får sjå replika av gjenstandar som er funne eller laga i området.

Dette er ei unik moglegheit til å oppleve kulturhistoria i fjellet på nært hald og lære meir om samspelet mellom menneske og villrein gjennom generasjonar.

Kvar: Oppmøte Vidflotten(Slådalen

Mandag 3. august

Når på dagen: Klokka 10.30

Aktivitetar utanfor arenaen

Hest er best!

Under Landsskyttarstemnet på Lesja kan du ta ein liten pause frå stemnet og kose deg på hesteryggen. Hjå Ragnhild Toresen får både små og store prøve seg som ryttarar i trygge omgjevnader.
Kvar: Løvseth Ranch,
Olderlykkjevegen 37, Lesja.
Ta kontakt for tidspunkt
Stolpejakt

Stolpejakt kombinerer turgåing, kultur- og opplevingar i naturen. I Lesja kommune er det plassert stolar rundt om – i nabolag og på fjellet, og kanskje finn du ein stolpe i nærheita av Vidflotten eller campingarenaen?
Kvar: Heile kommunen, 24/7
Når på dagen: Når du vil!
Frå lufta

Under Landsskyttarstemnet på Lesja får du høve til å sjå bygda frå eit heilt nytt perspektiv! I samarbeid med Fjord Helikopter tilbyr vi helikoptertur over fjell, dalar og skyttararenaen. Kjenn suset i magen, sjå Lesja frå lufta og opplev folkefesten som berre fuglane elles får med seg.
Dette er adrenalinkick, naturglede og ein uforgløymeleg oppleving på éin gong – perfekt for både eventyrlystne skyttarar og nysgjerrige publikummarar.
Når: Laurdag 1. august og sundag 2. august
Kvar: I lufta, Oppmøte ved Bøbrue